2022-yil 20-aprel kuni Forish tumani madaniyat markazida O’zbekiston Respublikasi Vazirlar Mahkamasi tomonidan tasdiqlangan kitobxonlikni shakllantirishning milliy dasturi asosida «Kitobsevar millat» shiori ostida «Kitobxonlik haftaligi» bo’lib o’tdi. «Kitobxonlik haftaligi»da O’zbekiston xalq artisti Gavhar Zokirova hamda O’zbekiston yozuvchilar uyushmasi a’zosi Obiddin Maxmudovlar ishtirok etdi. Tadbirga tashrif buyurgan mehmonlar «Bogʻdon gullari» folklor etnografik xalq ansambli ijrosidagi qoʻshiqlar bilan tantanali tarzda kutib olindi. Tadbirda Forish tuman madaniyat markazi kutubxonasi va ko’zi ojizlar kutubxonasi tomonidan “Kitob bilim o’chog’i», «Kitob nurli kelajak» nomli kitob ko’rgazmalari va madaniyat markazida faoliyat olib borayotgan «Tasviriy san’at» va «Floristika» to’garagi ishtirokchilarining ijodiy ko’rgazmalari tashkil etildi.
2022-yil 15-aprel kuni Forish tumani madaniyat markazida Yoshlar ishlari agentligi Forish tuman bo’limi va tuman madaniyat bo’limi bilan hamkorlikda mahallalarda madaniyat va san’atni targ’ib qilish maqsadida an’anaviy ijrochilik, opera, baxshichilik va estrada yo’nalishlarida “Bo’zatov Fest” “Yoshlar ovozi” ko’rik-tanlovining tuman bosqichi bo’lib o’tdi. Ishtirokchilar orasidan g’oliblar aniqlanib viloyat bosqichiga tavsiya etildi. G’olib va faol ishtirokchilarga tanlov tashkilotchilari tomonidan diplom va esdalik sovg’alari topshirildi.
2022-yil 13-aprel kuni Forish tumani madaniyat boʻlimi tomonidan 15-aprel «Madaniyat va sanʼat xodimlari kuni» munosabati bilan «Madaniyat xaftaligi» doirasida Forish tuman madaniyat markazida madaniy tadbir oʻtkazildi. Tadbirda «Tog’ shalolasi», «Parvoz» ashula va raqs xalq ansambli hamda «Boychechak» bolalar raqs jamoasi, «Estrada xonandaligi» toʻgaragi ishtirokchilari tomonidan konsert dasturi, «Tasviriy sanʼat», «Floristika» toʻgaraklari va «Forish o’lkashunoslik muzeyi» tomonidan koʻrgazmalari namoyish etildi.
2022-yil 12-aprel kuni Forish tumani madaniyat boʻlimi tomonidan 15-aprel «Madaniyat va sanʼat hodimlari kuni» munosabati bilan «Madaniyat xaftaligi» doirasida Xonbandi mahalla fuqarolar yigʻini hiyobonida madaniy tadbir oʻtkazildi. Tadbirda «Parvoz» ashula va raqs xalq ansambli hamda «Parvoz» oʻsmirlar raqs jamoasi, «Tumor» raqs toʻgaragi ishtirokchilari tomonidan konsert dasturi, «Tasviriy sanʼat», «Toʻquvchilik» toʻgaraklarining koʻrgazmalari namoyish etildi.
2022-yil 26-mart kuni Forish tumani madaniyat markazida samarali faoliyat olib borayotgan “Bog’don gullari” folklor etnografik xalq ansamblining 1-chorak yakuni bo’yicha hisobot konserti namoyish etildi. Hisobot konsertida ansambl ishtirokchilari tomonidan tuman xududiga xos bo’lgan “Xashar” marosimi namoyish etildi.
2022-yil 25-mart kuni Forish tuman madaniyat bо‘limi tomonidan “Mahallalarda yoshlar bilan ishlash tizimini tubdan takomillashtirish”ga qaratilgan reja jadvaliga asosan 1-sektor xududidagi A.Temur MFYda «Mahallada duv-duv gap» nomli madaniy tadbir tashkil etildi. Tadbirda madaniyat markazida faoliyat olib borayotgan «Bog’don gullari» folklor etnografik xalq ansambli va «Tog’ shalolasi» ashula va raqs xalq ansambli tomonidan konsert dasturi namoyish etildi.
2022-yil 24-mart kuni Forish tuman madaniyat bо‘limi tomonidan “Mahallalarda yoshlar bilan ishlash tizimini tubdan takomillashtirish”ga qaratilgan reja jadvaliga asosan 4-sektor xududidagi O’zbekiston MFYda «Mahallada duv-duv gap» nomli madaniy tadbir tashkil etildi. Tadbirda madaniyat markazida faoliyat olib borayotgan «Bog’don gullari» folklor etnografik xalq ansambli tomonidan konsert dasturi namoyish etildi.
Jizzax viloyati «O’rda» istirohat bog’ida o’tkazilgan Navro’z bayram tantanalarida Forish tuman madaniyat bo’limida samarali faoliyat yuritib kelayotgan «Bog’don gullari» folklor etnografik xalq ansambli teatrlashtirilgan dasturlari bilan ishtirok etdi.
