O‘zbekiston Respublikasida “2019-yil Qozog‘iston Respublikasi yili” munosabati bilan do‘stlik va qardoshlik munosabatlarini mustahkamlash hamda Jizzax viloyati Forish tuman xududidiga qarashli Abilxan Yerimbetov nomli shirkat xo‘jaligi tashkil etilganligining 50 yilligi munosabati bilan 2019-yil 1-2-may kunlari katta madaniy tadbir tashkil etildi. Madaniy tadbir doirasida uloq ko‘pkari va sport o‘yinlari tashkil etilib katta to‘y dasturxoni bezatildi va ovulning barcha aholisi hamda respublikamiz va qo‘shni Qozog‘iston respublikasidan ham mehmonlar taklif etildi. Tadbir o‘tkaziladigan joyda o‘tovlar tikilib, qozoq xalqi urf-odatlariga ko‘ra bayramona bazatildi.
Tadbirda Forish tumani hokimi A.Mustanov, ovulda tug‘ilib voyaga yetgan hozirgi kunda Qozog‘iston Respublikasida istiqomat qilayotgan mehnat faxriylari M.Boymurotov, Z.Turlibekov, Q.Qo‘rg‘onboyev va viloyat qozoq milliy madaniyat markazi raisi O‘.Seydaminovlar tabrik so‘zlariga chiqib A.Yerimbetovning shirkat xo‘jaligining tashkil etishda ko‘rsatgan jonbozligi, chorvachilikni rivojlantirishdagi qo‘shgan hissasi va tashkilotchiligi to‘g‘risida gapirib o‘tdilar.
Tadbir davomida tuman hokimligi tomonidan A.Yerimbetov shirkat xo‘jaligini tashkil etishda ko‘rsatgan fidoiyligi va jonbozligi uchun mehnat faxriylari Ye.Yesimov, Q.Boymurotovlar hamda marhum Sh.Datqabekov, A.Qo‘ziboqarov va Z.Pretovlar oilasiga esdalik sovg‘alari va 50-umumta’lim maktabiga 100 dan ortiq badiiy adabiyotlar topshirildi.
Tadbirni tashkil etishda yaqindan yordam bergan tuman hokimligi va tashkilotlarga hamda homiylarga tadbir tashkilotchilari tomonidan ham esdalik sovg‘alari topshirildi.
Tadbir munosabati bilan Forish tuman Madaniyat bo‘limi tomonidan o‘zbek-qozoq do‘stligini aks ettiruvchi kuy-qo‘shiqlardan tuzilgan “Parvoz” ashula va raqs xalq ansambli va “Bog‘don gullari” folklor etnografik xalq ansambllarining katta bayram konsert dasturi namoyish etildi. Madaniy tadbirni tashkil etishda ko‘rsatgan tashabbuskorligi va tadbirni madaniy saviyasini yuqori saviyada tashkil etganligi uchun Forish tumani Madaniyat bo‘limi jamoasi Qozog‘iston do‘stlik birodarligi tashkakkurnomasi bilan taqdirlandilar.