O‘zbekiston Respublikasi Prezidenti tomonidan yoshlarning ma’naviyatini yuksaltirish va ularning bo‘sh vaqtini mazmunli tashkil etish bo‘yicha belgilab berilgan 5 ta muhim tashabbus ijrosini ta’minlash, ularni madaniyat va san’at, jismoniy tarbiya va sport turlariga jalb etish hamda kitobxonlikka qiziqishlarini oshirish va iste’dodlarini yuzaga chiqarish maqsadida 2-sektor xududidagi Qoraobdol MFYga qarashli qishloq xo‘jalik kasb-hunar kollejida tuman hokimligi, tuman prokuraturasi, tuman madaniyat bo‘limi, O‘zbekiston yoshlar ittifoqi tuman kengashi bilan hamkorlikda o‘quvchilar va uyushmagan yoshlar o‘rtasida sportning shaxmat-shashka, voleybol, futobol, stol tennisi bo‘yicha musobaqalar tashkil etildi.
Tadbirda tuman hokimi A.Mustanov, tuman prokurori M.Otaqulov va tuman tashkilotlari vakillari ishtirok etdilar. Tadbirda tuman madaniyat bo‘limi ijodiy hodimlari tomonidan konsert dasturi namoyish etildi.
Musobaqalar yakunida g‘olib bo‘lgan va faol ishtirok etgan sportchilarga tuman hokimining diplom va faxriy yorliqlari va esdalik sovg‘alari topshirildi.
PDF shaklda yuklab olish