Forish tumani Madaniyat bo‘limi tashabbusi bilan “Iste’dod-2019” ko‘rik-tanlovining Nizomi ishlab chiqildi va belgilangan chora-tadbirlar rejasiga asosan 2019-yil 13-may kuni Osmonsoy MFY xududidagi 3-umumta’lim maktabida tanlovning saralash bosqichi o‘tkazildi. Saralash bosqichida maktabning iqtidorli, san’atga qiziqishi baland yoshlaridan tanlangan “Sharq shabnam” va “Marvarid” jamoalari xalq qo‘shiqlari, o‘lan, laparlar ijrosi, milliy, zamonaviy va turli millat xalqlarining raqslar ijrosi, kitob mutoolasi va bugungi kunda yoshlar uchun yaratilayotgan
imkoniyatlar, “Ommaviy madaniyatga” qarshi kurashishni o‘zida mujassamlashtirgan 4ta shart bo‘yicha bellashdilar.
Tanlov yakunida “Sharq shabnam” jamoasi g‘oliblikni qo‘lga kiritdi va hakamlar hay’ati tavsiyasi bilan 18-may kuni madaniyat markazida o‘tkaziladigan yoshlar festivalida ishtirok etish xuquqini qo‘lga kiritdilar. Tanlov tomoshasiga 100 nafarga yaqin o‘quvchi-yoshlar jalb etildi.