Yoshlar masalalari bo‘yicha tuman idoralararo kengashining 2019-yil 18-maydagi qabul qilingan 01-1260-sonli chora-tadbirga asosan iyun oyi Yoshlar oyligi deb e’lon qilinishi xamda 30-iyun “Yoshlar kunini” yuqori saviyada o‘tkazish hamda xarbiy sohaga yoshlarning qiziqishlarini oshirish, nogironligi bo‘lgan yoshlar va yoshlarning band bo‘lmagan qatlamini keng jalb etish maqsadida Jizzax xarbiy gornizoni, Jizzax xarbiy orkestri jamoasi va 01195-sonli xarbiy qismi bilan hamkorlikda 2019-yil 19-iyun kuni Madaniyat markazida tadbir tashkil etildi.
Tadbirda O‘zbekiston yoshlar ittifoqi Jizzax viloyat kengashi raisi o‘rinbosari Sh.Damanova va tuman kengashi raisi Sh.Qodirovlar so‘zga chiqib barchani o‘tkazilgan tadbir maqsadi bilan tanishtirib, barchani yaqinlashib kelayotgan 30-iyun “Yoshlar kuni” bilan qizg‘in muborakbod etdilar.
Tadbir doirasida xarbiylar tomonidan qurol-aslahalar ko‘rgazmasi, 01195-sonli xarbiy qism askarlarining qo‘l jangi chiqishlari, Jizzax xarbiy orkestri jamoasi tomonidan kompozitsiyalar hamda madaniyat markazida faoliyat olib borayotgan “Bog‘don gullari” folklor etnografik xalq ansambli va “Parvoz” ashula va raqs xalq ansambli ishtirokchilari A.Keldiyev, S.Ibragimov, J.Rustamov, B.Usmonov, S.Keldiyevlar ijrosidagi ona vatanimizni tinchligini, obodligini madh etuvchi kuy-qo‘shiqlar, raqslar namoyish etildi.
Tadbir davomida tashkilotchilar tomonidan kam ta’minlangan va nogironligi bo‘lgan 1-5-umumta’lim maktabi o‘quvchilari S.Bahodirov, B.Mamatov, Sh.Bahodirova, R.Bozorbekov, J.Abduqodirovlarga esdalik sovg‘alari topshirildi. Tadbir tomoshasiga MFYlar va uyushmagan yoshlar jalb etildi.