Respublikamizda qishloq va suv ho‘jaligi sohasini intensiv va zamonaviy texnologiyalar asosida rivojlantirish, ularning moddiy texnik bazasini mustahkamlash, tamorqada faoliyat ko‘rsatib kelayotgan fermer va dehqonlarni moddiy va ma’naviy jihatdan qo‘llab quvvatlash masalalariga katta e’tibor qaratilmoqda.
“G‘alla 2019” mavsumida faol qatnashgan, Forish tumani hududida faoliyat olib borayotgan fermer va dehqonlar uchun 2019-yil 16-sentabr kuni “Dil ifori” tantanalar maskanida hosil bayrami tashkil etildi. Tadbirda tuman hokimi A.Mustanov so‘zga chiqib barcha yig‘ilganlarni bayram bilan tabrikladi va tuman hokimligi tomonidan mavsumda faol ishtirok etgan bir guruh fermerlarga qimmatbaho sovg‘alarni toshirdi.
Tadbirda Forish tuman madaniyat markazida faoliyat olib borayotgan “Tog‘ shalolasi” va “Parvoz” ashula va raqs xalq ansambllari hamda “Bog‘don gullari” folklor etnografik xalq ansambli tomonidan konsert dasturi namoyish etildi.