Madaniyat bo‘limining tasdiqlangan tadbirlar rejasiga asosan o‘quvchi-yoshlarni Ona-Vatanga muxabbat ruxida tarbiyalash, milliy madaniyatimizni, ma’naviyatimizni yoshlar ongiga singdirish va iste’dodlarini yuzaga chiqarish maqsadida madaniy tadbir tashkil etildi.
Tadbirda maktab direktori X.Tangirov so‘zga chiqib barchani bayram bilan tabriklab, diniy-ma’rifiy soha faoliyatini takomillashtirish bo‘yicha tushunchalar berib o‘tdi. Yig‘ilganlarga ansambl badiiy raxbari B.Usmonov folklor san’ati, uning kelib chiqish tarixi haqida yoshlarga tushuncha berib o‘tdi va qadimdan bizgacha yetib kelgan ota bobolarimizdan qolgan o‘lan, aytishuv, lapar, xalq o‘yinlari, milliy udumlarimiz va an’analar to‘g‘risida yoshlarga to‘liq ma’lumotlar berdi.
Shundan so‘ng “Bog‘don gullari” folklor etnografik xalq ansambli ishtirokchilar B.Usmonov, A.Keldiyev, M.Axmedov, A.Mamadiyorova, F.Xaydarova, M.Ravshanovalar tomonidan tumanga xos qadimiy an’ana va udumlarimizdan tayyorlangan konsert dasturi namoyish etildi. Tadbirda 200 nafardan ortiq o‘quvchi yoshlar ishtirok etdi.
PDF shaklda yuklab olish