Forish tumani Uchquloch madaniyat markazida 5-oktabr kuni markaz qoshida O’zbekiston Respublikasi Prezidentining 2019-yil 19-martdgi belgilab bergan beshta muhim tashabbusi bo’yicha yoshlarni bo’sh vaqtlarini mazmunli tashkil etish, ularni madaniyat va san’atga, ayniqsa raqs san’atiga bo’lgan qiziqishlarini oshirish maqsadida Kamolova Sultonbeka rahbarligida tashkil etilgan “Boychechak” bolalar raqs jamoasining novbatdagi hisobot konserti bo’lib o’tdi.
Hisobot konsert tadbirida bolalar raqs jamoasi tomonidan to’garakning repertuaridan joy olgan o’zbek xalq kuylari, bolalar qo’shiqlari va zamonaviy kuy qo’shiqlarga sahnalashtirilgan «Ta’zimdamiz ustozlar», “Torimning siri”, “Hakalaka o’ynasammi”, “Elim”, “Doira”, “Toshanli”, “Qizlar – qizlar”, “Lazgi”, “Ajoyib yurt”, “Qiz bola”, “Olma pishganda”, “Duqi -duqi”, “Anhor”, «Gul-gul» kabi raqslar ijro etildi.
Tadbirda madaniyat markazi to’garak rahbari B.Ismoilov, to’garak qatnashchilarining ota-onalaridan M.Rabbimova, Z.O’zbekova so’zga chiqib tashkil etilgan to’garak va konsert tadbiri haqida o’z fikrlarini bildirib, to’garak faoliyatidan minnaddor ekanliklarini bildirib o’tdi.
Konsert tomoshasiga o’quvchilarning ota onalari va o’quvchi yoshlar jalb etildi.