O’zbekiston Respublikasi Prezidenti tomonidan yoshlarning bo’sh vaqtlarini mazmunli tashkil etish, ularnining iste’dodlarini yuzaga chiqarish maqsadida belgilab berilgan  beshta muhim tashabbus ijrosi yuzasidan tuman Madaniyat bo‘limi, Ma’naviyat va ma’rifat bo’limi, o‘zbekiston yoshlar ittifoqi tuman kengashi va xalq ta’limi bo‘limi bilan hamkorlikda  umumta’lim maktablari o’rtasida «Quvnoqlar va zukkolar» ko’rik-tanlovi tashkil etildi. 

Tanlovni tuman Ma’naviyat va ma’rifat bo’limi rahbari N.Soliyev ochib berib, barcha jamoalarga omad tiladi. Tanlovga tumandagi maktablardan oltita jamoalar 1-maktabning «Gold star» jamoasi, 5-maktabning PQB jamoasi, 15-maktabning «OK» jamoasi,  29-maktabning «Interaktiv» jamoasi, 55-maktabning «Chaqmoq» jamoasi, 59-maktabning «Simpl» jamolari ishtirok etdi. Jamoalar «Besh karra besh yigirma besh», «Zukko ziyrak», «Bizda hammasi besh» kabi uchta shart bo’yicha bellashdilar.

Tanlovda III-o’rinni egallaganligi uchun 5-maktabning «PQB» jamoasi, II-o’rinni egallaganligi uchun 1-maktabning «Gold star» jamoasi, I-o’rinni egallagani uchun «Chaqmoq» jamoalarga va faol ishtirok etganlarga Hakamlar hay’ati tomonidan faxriy yorliq va diplomlar berilib, birinchi o‘rinni egallagan “Chaqmoq” jamoasiga viloyat bosqichiga yo’llama berildi.

PDF shaklda yuklab olish