Buyuk ma’rifatparvar bobomiz Abdulla Avloniyning  til haqida quyidagi so‘zlari bor: “Har bir millatning dunyoda borlig‘ini ko‘rsatadurgan oynayi hayoti til va adabiyotidur. Milliy tilni yo‘qotmak millatning ruhini yo‘qotmakdir”.  Ma’lumki, o‘zlikni anglash, milliy ong va tafakkurning ifodasi, avlodlar o‘rtasidagi ruhiy-ma’naviyat bog‘liqlik til orqali namoyon bo‘ladi. Jamiki ezgu fazilatlar inson qalbiga, avvalo, ona allasi, ona tilining betakror jozibasi bilan singadi. Ona tili-bu  millatning ruhidir. Ona tilimizga bo‘lgan muhabbat onaga,  vatanga,  millatga va eng asosiysi O‘zbekistonning buyuk  kelajagiga bo‘lgan  e’tibordir.  Ana shu maqsadda  2019-yil  18-oktyabr kuni Forish tuman Madaniyat bo‘limi  kutubxonasida O‘zbek tiliga Davlat tili maqomi berilgan kunning o‘ttiz yilligi munosabati bilan “Ona tilim- g‘ururim” nomli kitobxonlar ishtirokida tadbir bo‘lib o‘tdi.

Tadbirda 1-umumta’lim maktabining ona tili va adabiyot o‘qituvchisi Nafisa Mirkomilova so‘zga chiqib, ona tilimizning  tarixi uning boshdan kechirgan  kechmishlari, armonlari suvrati, umidlarimiz ovozi borligini gapirib o‘tdi. Shuningdek  tadbir davomida madaniyat bo‘limi  kutubxonachisi Mamlakat Ro‘ziqulova va tuman ko‘zi ojizlar kutubxonasi kutubxonachisi Dilbar Xudoyqulovalar “Til millat ko‘rki” mavzusida ma’ruza qildilar.

Tadbirda faol kitobxonlar Farangiz  Husanova, Dildora Haydarova, Shahzoda  Bozorova,  Zarinalar Normuhamedova, Lazizbek  Hurrambekov, Safiya Usmonova,  Alisher  Omondullayev, Ziyoda G‘afforova, Nafosat Qurdoshevalar  ona tilimizning hayotdagi   o‘rni va ahamiyati  haqida o‘z tushunchalarini bayon etishdi hamda  “Vatan”,  “Til”  to‘g‘risidagi she’rlarni  o‘zbek  va  ingliz tillarida aytib berishdi.

Mavzu  yuzasidan  Kutubxonada “Til-millatimiz ramzi” nomli kitob ko‘rgazmasi ham tashkil etildi. Tadbir yakunida faol ishtirok etgan tadbir ishtirokchilariga tuman madaniyat bo‘limi kutubxonasi tomonidan faxriy yorliqlar topshirildi.

PDF shaklda yuklab olish