Oʼzbekiston Respublikasi Davlat bayrogʼi qabul qilinganiga 28 yil toʼlishi munosabati bilan tuman Madaniyat boʼlimi tashabbusi bilan hamkor tashkilotlar birgalikda 2019-yil 18-noyabr kuni tuman markazida “Bayrogʼimiz – faxrimiz!” nomli ommaviy madaniy tadbir tashkil etildi. Tadbirda dastlab barcha ishtirokchilar qoʼllarida Oʼzbekiston Respublikasi Davlat bayrogʼi bilan tuman yoʼl patrul xizmati binosi yonida saflandilar va IIB yoʼl patrul xizmati xodimlari boshchiligida ishtirokchilar doirachilar guruhi bilan birgalikda 18-son bolalar musiqa va sanʼat maktabigacha saf tortib yurib bordilar.
Bayram ishtirokchilari tantanavor musiqa bilan kutib olindi. Tadbirni Maʼnaviyat va maʼrifat markazi tuman boʼlimi rahbari Nodir Soliev kirish soʼzi bilan ochib berib, yigʼilganlarni qizgʼin muborakbod etdi.
Shundan soʼng ommaviy tadbir doirasida tashkil etilgan umumtaʼlim maktabi oʼquvchilari oʼrtasida eʼlon qilingan “Bizning bayroq” mavzusidagi fototanlovda faol ishtirok etib “Eng koʼp layk toʼplagan foto” nominatsiyasi boʼyicha 1-maktab jamoasi, “Eng yaxshi jamoaviy foto” nominatsiyasi boʼyicha 5-maktab jamoasi va “Eng yaxshi kreotiv foto” nominatsiyasi boʼyicha 10-maktab jamoalariga va barcha faol ishtirokchilarga Madaniyat boʼlimining diplom, faxriy yorliqlari va homiy tashkilotlarning esdalik sovgʼalari topshirildi.
Tadbir davomida “Mening orolim” aktsiyasi doirasida 18-son bolalar musiqa va sanʼat maktabi oʼquvchilari tomonidan rasmlar koʼrgazmasi tashkil etildi. Shuningdek boʼlim kutubxonasi va tuman koʼzi ojizlar kutubxonasi tomonidan “Bayrogʼimiz-iftixorimiz” nomli kitoblar koʼrgazmasi tashkil etildi. Tadbirda Madaniyat boʼlimi va musiqa maktabi oʼquvchilari ijrosidagi Ona Vatanni, tinchlikni va doʼstlikni tarannum etuvchi kuy-qoʼshiqlardan tuzilgan kontsert dasturi namoyish etildi. Tadbirga 400 nafarga yaqin oʼquvchi yoshlar va tashkilot hodimlari jalb etildi.