“Xalq” va “Namunali” unvonga ega badiiy xavaskorlik jamoalarini axoli, ayniqsa yoshlarning bo‘sh vaqtlarini mazmunli o‘tkazish, jamoalar faoliyatini yanada jonlantirish maqsadida Jizzax viloyat madaniyat boshqarmasining 2019-yil 19-sentyabrdagi 01-04/1020-sonli tadbirlar jadvaliga asosan 2019-yil 20-noyabr kuni 18-son bolalar musiqa va san’an maktabida Forish madaniyat markazida samarali faoliyat olib borayotgan “Bog‘don gullari” folklor etnografik xalq ansamblining navbatdagi hisobot konserti tashkil etildi. Tadbirda viloyat madaniyat boshqarmasi boshlig‘i o‘rinbosari A.Nurbekov ishtirok etdi.
Hisobot konsertida ansambl ishtirokchilari tomonidan tuman xududiga xos qadimiy marosimlardan “Dervishona” marosimi namoyish etildi. Marosimda hudud qishloq joylarini madh etuvchi termalar, “Epagi”, “Hay-hay momo jimjima”, “Cho‘mongul”, “Bo‘shomo” aytishuvi hamda “Xalq o‘yinlari” dasturi ham jonli ijroda namoyish etildi.
Hisobot konserti yakunida A.Nurbekov so‘zga chiqib ansambl ishtirokchilariga hisobot konserti yuzasidan o‘zining taklif va mulohazalarini bildirib o‘tdi.