2019-yil 18-dekabr kuni 33-umumta’lim maktabida O‘zbekiston Respublikasi Prezidenti tomonidan belgilab berilgan yoshlarning ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta muhim tashabbuslarning ikkinchi yo‘nalishi bo‘yicha yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish maqsadida Forish tumani Madaniyat bo‘limi va Bolalar-o‘smirlar sport maktabi hamkorlikda 2019-yil yakunlari bo‘yicha “Biz sog‘lom avlod bilan buyuk kelajak barpo etamiz” shiori ostida tadbir tashkil etildi. Tadbirda Forish tumani hokimi Abdivali Mustanov, bolalar-o‘smirlar sport maktabi direktori Vohid Shavqiyev, “Jismoniy tarbiya va sport a’lochisi” ko‘krak nishoni sohibi Yusuf Shabayevlar so‘zga chiqib sportchilarning bugungi kunda erishayotgan yutuqlar to‘g‘risida gaprib o‘tdilar hamda sportchi yoshlarning ota-onalari nomidan Sorabek Qurdoshev, Ro‘zigul Shokirovalar ham so‘zga chiqib farzandlarini sport sohasida qo‘lga kiritayotgan yutuqlariga berilayotgan e’tibor uchun o‘z minnatdorchiligini bildirdilar.
Tadbir davomida sportchi yoshlarning ota-onalariga va sportning futzal va milliy kurash turi bo‘yicha yutuqlarga erishayotgan sportchilarga tuman hokimining tashakkurnomasi, homiylarning esdalik sovg‘alari topshirildi. Shuningdek sportning taekvon-do va milliy kurash turi bo‘yicha sportchilar yoshlarning ko‘rgazmali chiqishlari namoyish etildi.