Forish tumani madaniyat bo‘limining yangi yil bayramini munosib kutib olish va uni yuqori saviyada o‘tkazishga qaratilgan tadbirlar rejasiga asosan tumandagi iqtidorli o‘quvchilar, kam ta’minlangan va boquvchisini yo‘qotgan oilalar farzandlari uchun har yili an’anaviy tarzda o‘tkaziladigan “Prezident archasi” bayram tadbiri va yangi yil tomoshalari uchun bayram ssenariysi tayyorlanib shu ssenraiy asosida tayyorgarlik mashg‘ulotlari olib borildi va 2019-yil 29-dekabr kuni 18-son bolalar musiqa va san’at maktabida namoyish etildi.
Bayram tadbirini Forish tumani hokimi A.Mustanov tabrik so‘zi bilan ochib berdi va bolajonlarga Qorbobo va Qorqiz bilan birgalikda “Prezident sovg‘asi”ni topshirdilar.
Shundan so‘ng madaniyat markazining “Kichkintoy” xalq xavaskorlik qo‘g‘irchoq teatri va Qorbobo, Qorqiz hamda turli ertak qahramonlari ishtirokidagi “Bizdan olis o‘rmonda” nomli teatrlashtirilgan tomoshasi namoyish etildi. Yangi yil bayramiga bag‘ishlangan tomoshalar barchaga birdek zavq va shavq ulashdi.
PDF shaklda yuklab olish