Forish tumanida 8-mart Xalqaro xotin-qizlar kuni munosabati bilan 6-mart kuni “Dil ifori” tantanalar majmuasida turli sohalarda faol mehnat qilayotgan ayollar ishtirokida tantanali marosim tadbiri tashkil etildi.

Bayram tadbirini Forish tuman hokimi A.Mustanov tabrik so‘zi bilan ochib  ayollarni 8-mart nafosat va go‘zallik bayrami bilan qizg‘in muborakbod etdi. Tadbir davomida “Mo‘tabar ayol” ko‘krak nishoni sohibasi, mehnat faxriysi U.Ostonova, tuman kengashi deputati A.Begiyev, Jizzax viloyat kengashi deputati B.To‘rayeva, tuman hokimi o‘rinbosari mahalla va oilani qo‘llab-quvvatlash bo‘limi boshlig‘i Y.Kengashev, Honbandi MFYdan O.Holboyeva, E.Kamolov MFYdan M.Turg‘unovalar tabirik so‘ziga chiqib barcha ayollarni bayram bilan tabrikladilar.

Bayram munosabati bilan tuman Madaniyat bo‘limi tomonidan eng sara kuy-qo‘shiqlar va raqslardan tuzilgan “Aziz va muqaddassan, mo‘tabar ayol!” nomli bayram konsert dasturi namoyish etildi.

Tadbirda ishtirok etayotgan barcha ayollarga tuman hokimining hamda mahalla va oilani qo‘llab-quvvatlash bo‘limining bayram sovg‘alari topshirildi.