Oʼzbekiston Respublikasi Prezidentining 2020-yil 18-fevraldagi Oʼzbekiston Respublikasida mahalla va oilani qoʼllab-quvvatlash vazirligi faoliyatini tashkil etish toʼgʼrisidagi 5938-son farmoniga muvofiq 2020-yil 30-iyun kuni tuman markazida “Mahalla markazi” binosi foydalanishga topshirildi.
Tantanali marosimda tuman hokimi А.Mustanov, mahalla va oilani qoʼllab-quvvatlash Jizzax viloyati boshqarmasi boshligʼi N.Muxtorova, “Nuroniylar” jamgʼarmasi tuman boʼlinmasi raisi X.Mamatovlar soʼzga chiqib yigʼilganlarni marosim bilan qizgʼin muborakbod etdilar va “Mahalla va oilani qoʼllab-quvvatlash” tuman boʼlimi tomonidan mahallada, oilada tinchlikni mustahkamlash va xuquq-tartibot, obodonlashtirish ishlarida faol boʼlgan bir gurux mahalla hodimlarini taqdirlab esdalik sovgʼalarini topshirdilar. Tadbir davomida Forish tuman Madaniyat boʼlimi tomonidan kontsert dasturi namoyish etildi.