Oʼzbekiston Respublikasi Davlat gerbi qabul qilinganiga 28 yil toʼlishi munosabati bilan oʼsib kelayotgan yosh avlod ongida davlat ramzlariga boʼlgan xurmat xissini yuksaltirish va vatanparvarlik ruhida tarbiyalash maqsadida Forish tumani Uchquloch madaniyat markazida 2020-yil 2-iyul kuni “Davlat gerbi – Vatan timsoli” mavzusida “Haykaltaroshlik”, “Bolalar estrada qoʼshiqchiligi”, “Quvnoq bolalar” toʼgaraklari qatnashchilari ishtirokida davra suhbati tashkil etildi.

Davra suhbatida “Haykaltaroshlik” toʼgaragi rahbari J.Shukurov Oʼzbekiston Respublikasi Davlat gerbi xaqida “Ramzlarimiz-faxrimiz” mavzusida ishtirokchilarga keng maʼlumot berib, har bir yosh va har bir Oʼzbekiston fuqarosi davlatimiz ramzlariga xurmat, faxr-iftixor tuygʼulari bilan qarashlarini taʼkidlab oʼtdi. Suhbat davomida “Haykaltaroshlik” toʼgaragi aʼzolari B.Shukurov, А.Safarovlar oʼzlari mustaqil tarzda gerbimizga taʼrif berib oʼtdilar, S.Rahmatova rahbarligidagi “Quvnoq bolalar” raqs toʼgaragi aʼzosi S.Zamirova ijrosida davlat ramzlari toʼgʼrisida sheʼrlar ijro etilgan boʼlsa B.Ismoilov rahbarligidagi “Bolalar estrada qoʼshiqchiligi” toʼgaragi ishtirokchisi Sh.Haydarov ijrosida tinchlikni va obodlikni tarannum etuvchi “Oʼzbekiston” qoʼshigʼi ijro etildi. Suhbat davomida ishtirokchilar oʼzlarini qiziqtirgan savollariga javoblar olishdi.