Forish tuman tibbiyot birlashmasi tomonidan 12-may “Hamshiralar kuni” bayramini keng nishonlash maqsadida 2018-yil 4-may kuni madaniyat va aholi dam olish markazida “Hamshira-2018” ko‘rik-tanlovi tashkil etildi. Tanlovda shoshilinch tez tibbiy yordam bo‘limi hamshirasi U.Qo‘qonova, hirurgiya bo‘limi hamshirasi Sh.Antarova, tez tibbiy yordam bo‘limi hamshirasi M.Nasibbekova, tug‘ruq bo‘limi hamshirasi S.Ochilova, terapiya bo‘limi hamshirasi E.Hudoyberdiyevalar tanlovning 3 ta sharti “Tanishtiruv”, tibbiyot sohasiga oid tezkor va anatomik savol-javoblar hamda “Erkin mavzu” shartlari bo‘yicha o‘zaro bellashdilar.

Tanlov natijasi va hakamlar hay’ati qaroriga ko‘ra shoshilinch tez tibbiy yordam bo‘limi hamshirasi U.Qo‘qonova birinchi o‘rinni, hirurgiya bo‘limi hamshirasi Sh.Antarova ikkinchi o‘rinni,  tez tibbiy yordam bo‘limi hamshirasi M.Nasibbekova uchinchi o‘rinni qo‘lga kiritdilar. Tanlovning “Eng bilimdon hamshira” nominatsiyasiga shoshilinch tez tibbiy yordam bo‘limi hamshirasi U.Qo‘qonova, “Eng quvnoq hamshira” nominatsiyasiga tug‘ruq bo‘limi hamshirasi S.Ochilova, “Eng chaqqon hamshira” nominatsiyasiga terapiya bo‘limi hamshirasi E.Hudoyberdiyevalar munosib deb topildilar. 

G‘olib va faol ishtirokchilar tuman tibbiyot birlashmasining diplom, faxriy yorliq va esdalik sovg‘alari bilan taqdirlandilar.

PDF shaklda yuklab olish