Mamlakatimizda 9-may umumxalq bayrami-xotira va qadrlash kunini keng nishonlash, ikkinchi jahon urushida fashizmga qarshi kurashishga hissa qo‘shgan, mustaqillik yillarida xizmat burchini bajarish chog‘ida halok bo‘lgan harbiy hizmatchilar va xuquqni muhofaza qilish organlari xodimlarining xotirasini abadiylashtirish, barcha faxriylarimizga hurmat ko‘rsatish maqsadida O‘zbekiston Respublikasi Prezidentining 2018-yil 16-aprelda “Hotira va qadrlash kuni”ga tayyorgarlik ko‘rish va uni o‘tkazish chora-tadbirlari to‘g‘risida qabul qilingan 3667-sonli qarori ijrosini ta’minlash va 9-may “Xotira va qadrlash kuni” hamda, II-jahon urushida fashizm ustidan qozonilgan g‘alabaning 73 yilligi munosabati bilan 2018-yil 6-may kuni tuman hokimligi, tuman Madaniyat bo‘limi, tuman tibbiyot birlashmasi va bir qancha tashkilotlar bilan birgalikda Nurak MFY Qoratosh qishlog‘ida yashovchi II-jahon urushi qatnashchilari Normuhammad bobo Ayosov hamda Osmonsoy MFY Osmonsoy qishlog‘ida yashovchi Antar bobo O‘mirzoqov,
Qoraobdol MFY Kattasoy qishlog‘ida yashovchi Abil bobo Sharipovlar honadoniga tashrif buyurdilar.
Uchrashuv tadbirida tuman hokimi A.Mustanov Normuhammad bobo Ayosovga va Antar bobo O‘mirzoqovga, Abil bobo Sharipovga O‘zbekiston Respublikasi Prezidenti Sh.M.Mirziyoyevning 9-may “Hotira va qadrlash kuni” va II-jahon urushida fashizm ustidan qozonilgan g‘alabaning 73 yilligiga bag‘ishlangan tabrigini o‘qib eshittirdi. Urush qatnashchilariga O‘zbekiston Respublikasi Prezidenti tomonidan har bir urush faxriylariga ajratilgan 5 mln so‘mdan bir martalik pul mukofoti va esdalik sovg‘alar shuningdek, viloyat hokimligi, tuman hokimligi, O‘zbekiston faxriylarini ijtimoiy qo‘llab-quvvatlash “Nuroniy” jamg‘armasi, “Mahalla” hayriya jamoat fondi tomonidan ajratilgan sovg‘alar urush faxriylariga topshirildi. Bunday g‘amxo‘rlik va e’tibordan ruhlangan urush qatnashchilari urush yillarida boshidan o‘tkazigan suronli yillarni ko‘zida yosh bilan yig‘ilganlarga so‘zlab berdi. Qo‘llarni duoga ochib ko‘rsatayotgan e’tibor va g‘amxo‘rliklari uchun yurtboshimizga va xalqimizga minnatdorchilik izhor etib, yurtimizga tinchlik omonlik tiladilar.
O‘tkazilgan uchrashuv tadbirlarida madaniyat bo‘limi badiiy tashviqot guruhi a’zolari S.Ibragimov, L.Nurqulov, L.Hakimova, R.Toshpo‘latova, M.Ahmedov, A.Qozoqov, X.Temirov, A.Soibov, E.Suyarovlar tomonidan II-jahon urushi yillarida ijro etilgan kuy-qo‘shiqlar va kompazitsiyalar ijro etildi, hamda o‘zbek xalq qo‘shiqlaridan tuzilgan konsert dasturi namoyish etildi.
PDF shaklda yuklab olish