O‘zbekiston Respublikasi Prezidenti tomonidan 2018-yil 16-aprelda qabul qilingan “Ikkinchi jahon urushi qatnashchilarini rag‘batlantirish to‘g‘risida”gi Farmoni, hamda “Xotira va qadrlash kuniga tayyorgarlik ko‘rish va uni o‘tkazish chora-tadbirlari to‘g‘risida”gi qaror ijrosini ta’minlash yuzasidan 2018-yil 8-may kuni tuman markazidagi “Hotira maydoni”da 9-may “Hotira va qadrlash kuni” va II-jahon urushida fashizm ustidan qozonilgan g‘alabaning 73 yilligiga bag‘ishlab “Mardlik, burch va sadoqat” nomli tantanali yig‘ilish marosimi yuqori saviyada bo‘lib o‘tdi.
Marosimda tuman hokimi A.Mustanov, II-jahon urushi qatnashchisi N.Ayosov so‘zga chiqib yig‘ilganlarni bayram bilan tabrikladi.
Tantanali marosimda madaniyat bo‘limi tomonidan urush davridagi askarlarni aks ettirgan kichik saxna ko‘rinishlari namoyish etilib, urush davridagi kompazitsiyalar ijro etildi.
Shundan so‘ng tumandagi barcha tashkilot va muassasalar tomonidan “Motamsaro ona” haykali poyiga gulchambarlar qo‘yildi.
Tantanali marosimdan so‘ng “Istiqlol” tantanalar majmuasida 9-may “Hotira va qadrlash kuni” va II-jahon urushida fashizm ustidan qozonilgan g‘alabaning 73 yilligi munosabati bilan “Inson qadri ulug‘, xotirasi muqaddas” nomli bayram tadbiri tashkil etildi.
Bayram tadbirini tuman hokimi A.Mustanov ochib berdi. Imom xotib R.Nishonov o‘tganlarning ruxlariga Qur’on tilovat qildi. Bayram tadbirida tuman Madaniyat bo‘limi “Tog‘ shalolasi” ashula va raqs xalq ansamblining bayramga bag‘ishlangan konsert dasturi namoyish etildi.