Forish tuman Madaniyat bo‘limi tashabbusi bilan, maktab bitiruvchilari va uyushmagan yoshlarning bo‘sh vaqtlarini mazmunli o‘tkazish maqsadida 2018-yil 25-may kuni madaniyat va aholi dam olish markazida “So‘ngi qo‘ng‘iroq kuni”ga bag‘ishlab qiziqarli tomoshalar, yoshlarga birdek manzur bo‘luvchi qo‘shiqlar va raqslar bilan boyitilgan “Yoshlar shou” bayram tadbiri tashkil etildi.
Bayram konsert dasturida yoshlikni, maktab davrlarini tarannum etuvchi qo‘shiqlar, “Tog‘ shalolasi” ashula va raqs xalq ansambli tomonidan jonli tarzda musiqalar ijrosi hamda markaz qoshida havaskor yoshlardan tuzilgan “Gold star” jamoasi va 18-son bolalar musiqa va san’at maktabi qoshida tashkil etilgan “Exclusive” jamoalari tomonidan yumorga boy sahna ko‘rinishlari, markazda tashkil etilgan “Raqs” to‘garagi a’zolaridan tuzilgan “Joziba” va “Osiyo” raqs jamoalarining chiqishlari tomoshabinlarga namoyish etildi.
“Yoshlar shou” bayram tadbiri tomoshasiga 400 nafardan ortiq yoshlar va uyushmagan yoshlar tashrif buyurdi.
PDF shaklda yuklab olish