O‘zbekiston Respublikasi Prezidentining “Obod qishloq dasturi to‘g‘risida”gi 5386-sonli farmoni va “Obod qishloq dasturini 2018-yilda amalga oshirish bo‘yicha qo‘shimcha chora-tadbirlar to‘g‘risida”gi qaroriga muvofiq Jizzax viloyati Forish tumani Xonbandi mahallasida “Obod qishloq” dasturi doirasida qurilish va ta’mirlash ishlari jadal suratlarda olib borilmoqda.
Ayni paytda o‘z diyorini obod maskanga aylantirishda ko‘maklashayotgan qurilish va ta’mirlash ishlarida qatnashayotgan hasharchilarimiz, mahallada istiqomat qilayotgan aholining madaniy xordiq olishlari uchun 2018-yil 9-iyun kuni O’zbekiston Respublikasi Ichki ishlar vazirligi tashabbusi bilan poytaxtimiz Toshkentdan tashrif buyurgan Ichki ishlar vazirligi alohida na’munali ko’rgazmali orkestori jamoasining konsert namoyishi etildi. Dastavval konsert Xonbandi mahallasi ko’chalari, uylari, qurilish ishlari olib borilayotgan hududlar bo’ylab saf tortib qo’shiq ijro etishdan boshlandi. Orkestor jamoasining bunday ijrosi har bir hasharchi va quruvchilarga o’zgacha kayfiyat va shijoat bag’ishladi.
Asosiy konsert tomoshalari esa kechga borib “Axmat ota fayz” tantanalar majmuasida davom etdi. Konsert dasturida ona Vatanimizning tinchligini, obodligini tarannum etuvchi qo’shiqlar, raqslar bilan birgalikda, xorijiy tillarda kuylanuvchi qo’shiqlar ham ijro etildi.
O’zbekiston Respublikasi Ichki ishlar vazirligi alohida na’munali ko’rgazmali orkestori jamoasining namoyish etgan konsert dasturi uchun tuamn Madaniyat bo’limi hamda Xonbandi mahalla fuqarolar yig’ini barcha hasharchi va quruvchilar nomidan o’z minnatdorchiligini bildirdilar.