Jizzax viloyati Forish tumanida 2018-yil 13-iyun kuni O‘zbekiston Respublikasi Prezidentining 2017-yil 5-iyuldagi “Yoshlarga oid davlat siyosati samaradorligini oshirish va O‘zbekiston yoshlar ittifoqi faoliyatini qo‘llab-quvvatlash to‘g‘risida”gi PF-5106-son Faromoni hamda O‘zbekiston Respublikasi Vazirlar Mahkamasining 2017-yil 28-oktyabrdagi №1214-son farmoyishiga asosan madaniyat va aholi dam olish markazida O‘zbekiston Yoshlar ittifoqining tuman kengashi qoshida tashkil etilgan “Yoshlar markazi” da faoliyati yo‘lga qo‘yilgan to‘garak ishtirokchilarining “Barcha yoshlar – e’tiborimizda” nomli hisobot konserti o‘tkazildi. Tadbirda Respublika yoshlar markazi Jizzax viloyati bo‘linmasi direktori I.Umrzoqov va markaz kordinatori J.Davronovlar so‘zga chiqib, to‘garak ishtirokchilarini tadbir bilan qizg‘in tabrikladilar.
Xisobot konsertida madaniyat va aholi dam olish markazida faoliyat olib borayotgan “Kichkintoy” xalq xavaskorlik qo‘g‘irchoq teatrining chiqishlari hamda “Yoshlar markazi”da faoliyat olib borilayotgan “Pazandachilik”, “Yosh ijodkorlar”, “Ingliz tili”, “Tikuvchilik”, “Yosh adabiyotshunoslar”, “An’anaviy xonandalik” to‘garaklar ishtirokchilarining xisobot konsertiga tayyorlagan qo‘shiq va raqslar, to‘garaklarning bugungi kunda qiynayotgan va javobi topilmayotgan muammolarini xajviy saxna ko‘rinishlari orqali olib chiqib namoyish etdilar. Shuningdek rassomchilik, tikuvchilik va qo‘l mehnati, pazandachilik san’atidan o‘quvchilar ijodiga oid ko‘rgazmalar tashkil etildi.
Tadbir yakunida xisobot konsertida faol ishtirok etgan o‘quvchilarga va to‘garaklar rahbarlariga hamda tadbirni tashkil etishda o‘quvchilarning badiiy chiqishlarida yaqindan yordam bergan tuman Madaniyat bo‘limi hodimlariga Respublka yoshlar markazi Jizzax viloyati bo‘linmasi tomonidan faxriy yorliq va esdalik sovg‘alari topshirildi. Tadbir tomoshasiga ota-onalar va 200 nafarga yaqin yoshlar jalb etildi.