Jizzax viloyati Forish tumanida 2018 yil 14-iyun kuni Yoshlar masalalari bo‘yicha respublika idoralararo kengashining “Yoshlar-kelajak bunyodkori!” shiori ostida “Yoshlar festivallari”ni tashkil etish va o‘tkazish to‘g‘risida 2018 yil 8 fevraldagi 4-sonli majlis bayoni hamda O‘zbekiston Respublikasi Prezidenti Davlat maslaxatchisining 2018 yil 19 fevraldagi 2632-xx-sonli topshirig‘i, O‘zbekiston Respublikasi madaniyat vazirligining 2018 yil 21 fevraldagi 107-sonli, madaniyat boshqarmasining 2018 yil 15 martdagi 45-sonli buyruqlari ijrosini ta’minlash maqsadida 30 iyun “Yoshlar kuni” munosabati bilan tumandagi barcha maxalla fuqarolar yig‘inida yoshlar sayillarini o‘tkazish bo‘yicha tasdiqlangan chora-tadbirlar rejasiga asosan Forish tuman Ilonli mahalla fuqarolar yig‘inidagi 75-maktabda O‘zbekiston yoshlar ittifoqi tuman Kengashi bilan hamkorlikda “Yoshlar kelajak bunyodkori” shiori ostida yoshlar sayllari o‘tkazildi. Tadbirda tuman prokurori yordamchisi A.Abdunabiyev va O‘zbekiston yoshlar ittifoqi tuman Kengashi raisi Sh.Qodirovlar so’zga chiqib ishtirokchilarni bayram bilan muborakbod etdi.
Yoshlar o’rtasida o’tkazilgan mazkur sayilda “Kitobxonlik viktorinalari” kitob yarmarkalari,
yoshlar bandligini ta’minlash maqsadida “Bo’sh ish o’rinlari yarmarkalari”, yosh ijodkorlar tomonidan “Nazm vam navo”, “Dunyo raqslari” ko‘rik-tanlovlari ,
“Men va yoshlar ittifoqi” aksiyasi doirasida “Biz sog‘lom turmush tarafdorimiz” shiori ostida sportning shaxmat-shashka turi bo‘yicha sport musobaqalari,
“Yoshlar sayillari” doirasida kurash “Milliy o‘yinlar” sport festivallari bo‘lib o‘tdi.
Sayilda qatnashgan va g‘olib bo‘lgan ishtirokchilarning barchasiga tadbir tashkiliy qo‘mitasining diplom , faxriy yorliq va esdalik sovg‘alari topshirildi. Tadbirda tuman madaniyat bo‘limi tomonidan konsert dasturi namoyish etildi. Yoshlar saylida 250 nafarga yaqin yoshlarning ishtiroki ta’minlandi.