Jizzax viloyati Forish tumani Xonbandi mahallasida ham O’zbekiston Respublikasi Prezidentining “Obod qishloq dasturi to‘g‘risida”gi 5386-sonli farmoni va “Obod qishloq dasturini 2018-yilda amalga oshirish bo‘yicha qo‘shimcha chora-tadbirlar to‘g‘risida”gi qaroriga muvofiq qurilish va ta’mirlash ishlari jadal sur’atlarda olib borilmoqda.
Mahalla aholisiga hamda qurilish ishlarida faol qatnashayotgan hasharchilarning madaniy dam olishlarini mazmunli tashkil etish maqsadida 18-iyun kuni O’zbekiston Respublikasi ichki ishlar vazirligi qoshidagi ashula va raqs ansamblining konsert dasturi namoyish etildi.
Konsert dasturida xalqimiz suygan san’atkorlar Uchqun Tillayev, qiziqchi, so’z ustasi Avaz Oxun, estrada xonandalari Dilnoza Ismiyaminova, Suhrobbek Hamdamovlar tomonidan mehr-muhabbat, tinchlik, ona Vatanni madh etuvchi qo’shiqlar kuylanib barcha yig’ilgan tomoshabinlarga a’lo kayfiyat ulashdilar.