Forish tumani madaniyat bo‘limining tadbirlar rejasiga asosan o‘quvchi yoshlarning bo‘sh vaqtlarini mazmunli o‘tkazish maqsadida 2018-yil 3-iyul kuni Kattabog‘don qishlog‘ida joylashgan “Matlubotchi” yozgi bolalar dam olish oromgohida “Yozni biz bilan” loyihasi doirasida Forish madaniyat va aholi dam olish markazida faoliyat yuritayotgan “Kichkintoy” xalq xavaskorlik qo‘g‘irchoq teatri hamda “Badiiy tashviqot” guruhi tomonidan madaniy tadbir tashkil etildi.
Tadbir davomida oromgoh yoshlaridan tashkil etilgan “O‘zbekiston yoshlari” va “Mars” jamoalarining maktabda olgan bilimlari, chaqqonliklari va san’atga bo‘lgan qiziqishlari sinovdan o‘tkazilib, uchta shart bo‘yicha bellashdilar.
Bellashuv natijasiga ko‘ra “O‘zbekiston yoshlari” jamoasi g‘oliblikni qo‘lga kiritishdi. Jamoalarga madaniyat bo‘limi tomonidan o‘quv qurollari sovg‘a sifatida topshirildi. Tadbir davomida markaz badiiy tashviqot guruhi a’zolari Ismoilov Bahrom, Ahmedov Mirkomil, Lobar Hakimova, Shoxruh Safaraliyevlar tomonidan qo‘g‘irchoq teatri tomoshalari va kuy-qo‘shiqlar ijro etilib, bolalarga a’lo kayfiyat ulashdilar. Tadbirga oromgohda dam olayotgan 70 nafarga yaqin o‘quvchilar jalb etildi.