2018-yil 29-avgust kuni O‘zbekiston Respublikasi Prezidentining “Obod qishloq dasturi to‘g‘risida”gi 5386-sonli farmoni va “Obod qishloq dasturini 2018-yilda amalga oshirish bo‘yicha qo‘shimcha chora-tadbirlar to‘g‘risida”gi qaroriga muvofiq Xonbandi mahallasida “Obod qishloq” dasturi doirasida qurilishi tugallangan honadonlarni topshirish marosimi hamda O‘zbekiston Respublikasi Davlat mustaqilligining yigirma yetti yilligiga bag‘ishlangan tantanali marosim bo‘lib o‘tdi.
Tantanali marosimda tuman hokimi A.Mustanov, O‘zbekiston Respublikasi Prezidenti Devonidan N.Oblamurodov, uy boshqaruvchisi T.Xosilbekova hamda mahallada yashab istiqomat qiluvchi N.Nagibinalar so‘zga chiqib barchani bayram bilan tabriklab o‘z minnatdorchiliklarini izhor etdilar.
Tantanali marosim yakunida hududdagi kam ta’minlangan, nogironligi bor fuqarolarga O‘zbekiston Respublikasi Prezidenti nomidan barcha qulayliklarga ega bo‘lgan, zamonaviy texnikalar bilan jihozlangan 36ta honadonlar o‘z egalariga topshirildi.
Tadbir davomida tuman Madaniyat bo‘limi tomonidan bayram konsert dasturi namoyish etildi. Konsert dasturida ona Vatanni madh etuvchi kuy-qo‘shiqlar, raqslar ijro etildi.