O‘zbekiston Respublikasi Prezidentining tashabbusi bilan tashkil etilgan Qashqadaryo viloyati Shahrisabz shahrida nishonlanadigan “Xalqaro maqom sanati anjumani” 2018-yil 6-10-sentyabr kunlari o‘tkazilishi belgilangan.
Respublikamizda ilk marotaba o‘tkazilayotgan nufuzli tadbirda Forish tumanida faoliyat olib borayotgan “Bog‘don gullari” folklor etnografik xalq ansambli o‘zlarining repertuaridagi xududga xos bo‘lgan “Gashtak ko‘pkari” marosimi bilan ishtirok etishlari uchun qizg‘in tayyorgarlik ishlarini olib bormoqdalar.
Shuningdek ansambl ishtirokchilari tuman xududiga xos bo‘lgan udum va marosimlardan “Urug‘ qadash”, “Yil boshi”, “Xalq o‘yinlari” hamda folklor qo‘shiqlaridan “Forish alyori”, “Vatan bu”, “Jigda po‘pak”, “O‘ynang qizlar”, “Bo‘shama”, “Larzongul” kabi qo‘shiqlarni ham tayyorlab anjuman ishtirokchilari va xorijlik mehmonlarga tumanimizning folklor san’atini namoyish etishni o‘z oldilariga maqsad qilib qo‘yganlar.
PDF shaklda yuklab olish