“Bog‘don gullari” folklor etnografik xalq ansamblining Qashqadaryo viloyati Shahrisabz shahrida o‘tkazilgan «I Xalqaro maqom san’ati anjumani» doirasida o‘tkazilgan bayram tadbirlaridagi ishtiroki to‘g‘risida. 

Maqom o‘zbek xalqi an’anaviy musiqasi ijodiyotining yetakchi janri bo‘lib, u o‘rta asr va keyingi davrlarda Markaziy Osiyo,  umuman Sharq hududini XIX-XX asrlarda larzaga solgan ijtimoiy-siyosiy va madaniy hayotga o‘z ta’sirini o‘tkazgan jonbaxsh kuch sifatida namoyish etilgan. Shu munosabat bilan milliy maqomimizni butun dunyoga tarannum etish maqsadida Yurtboshimizning tashabbusi bilan 2018-yilning 6-10-sentyabr kunlari Shahrisabz shahrida Xalqaro Maqom san’ati Anjumani yuqori saviyada o‘tkazildi.

Mazkur nufuzli anjuman doirasida tashkil etilgan bayram tomoshalarida tumanda faoliyat olib borayotgan “Bog‘don gullari” folklor etnografik xalq ansambli o‘z dasturlari bilan muvafaqqiyatli ishtirok etdi. Ansambl ishtirokchilari tomonidan tuman hududiga hos bo‘lgan “Gashtak ko‘pkari” marosimi, “Halq o‘yinlari” dasturlari orqali tuman xududiga xos bo‘lgan milliy udumlardan tuzilgan “Uloq-ko‘pkari”, “Polvon yigit”, “Cho‘nka shuvoq”, “Jigda po‘pak”, “Vatan bu”, “Bo‘shama”, “Besh qarsak”, “Bir pari”, “O‘ynang qizlar”, “Holoy-loloychi”, “Forish alyori”, “O‘lkamda shodiyona”, “O‘lkamda bayram” kabi folklor qo‘shiq va raqslar xorijlik sayyohlar va respublikamizning barcha viloyatlaridan tashrif buyurgan mehmonlarga namoyish etib olqishlarga sazovor bo‘ldi va jamoa faol ishtiroki uchun O‘zbekiston Respublikasi Madaniyat vazirligi,  I Xalqaro maqom san’ati anjumani” tashkiliy qo‘mitasining faxriy yorlig‘i bilan taqdirlandi.

PDF shaklda yuklab olish