O‘zbekiston Respublikasi Davlat bayrog‘i qabul qilinganiga 27 yil to‘lishi munosabati bilan tuman Madaniyat bo‘limi tashabbusi bilan 2018-yil 17-noyabr kuni Forish madaniyat va aholi dam olish markazida “Bayrog‘imiz – faxrimiz, g‘ururimiz!” nomli ommaviy madaniy tadbir tashkil etildi. Tadbirda dastlab barcha ishtirokchilar qo‘llarida O‘zbekiston Respublikasi Davlat bayrog‘i bilan tuman hokimligi binosi yonida saf tortib taxlandilar. Tuman IIB yo‘l patrul xizmati xodimlari boshchiligida maxsus avtomobillar bilan birgalikda tuman markazidagi ko‘chalarda bayroqlar olib o‘tildi. Qolgan ishtirokchilar doirachilar guruhi bilan birgalikda madaniyat bo‘limi joylashgan markaziy ko‘chada saf tortib birgalikda asosiy bayram tadbiri o‘tkaziladigan madaniyat markazi hovlisigacha yurib keldilar. Bayram ishtirokchilari tantanavor musiqa bilan kutib olindi. Tadbirni tuman ma’naviyat va ma’rifat bo‘limi rahbari Abror Sarabekov kirish so‘zi bilan ochib berib, yig‘ilganlarni qizg‘in muborakbod etdi.
Shundan so‘ng ommaviy tadbir doirasida tashkil etilgan umumta’lim maktabi o‘quvchilari o‘rtasida “Yurtim bayrog‘i – qalbim ardog‘i” mavzusida o‘tkazilgan ommaviy diktant tadbirlarida ishtirok etib g‘olib bo‘lgan quyidagi o‘quvchilar 1-maktab o‘quvchilari Amandullayeva Xumora, Egamov Ohunjon, 5-maktab o‘quvchilari Maxmudov Mirjalol, Mamadiyorova Zilola, 12-maktab o‘quvchilari Narzullayeva Zuhra, Jumabekova Surayyo, 33-maktab o‘quvchilari Yo‘ldosheva Mahliyo, Bozorbekova Aziza, 55-maktab o‘quvchilari Erxonova Gulzifa, Qosimova Dilnozalarga hamda “Bizning bayroq” mavzusidagi fototanlovda faol ishtirok etib “Eng ko‘p layk to‘plagan foto” nominatsiyasi bo‘yicha 1-maktab jamoasi, “Eng yaxshi selfi foto” nominatsiyasi bo‘yicha 33-maktab jamoasi, “Eng yaxshi jamoaviy foto” nominatsiyasi bo‘yicha 5-maktab jamoasi va “Eng yaxshi kreotiv foto” nominatsiyasi bo‘yicha 12-maktab jamoalariga va foto tanlovni tashkil etishda faollik ko‘rsatgan 1-5-12-33-maktablarning boshlang‘ich tashkilot yetakchilari Ahmedov Javohir, Bahriyeva Sitora, Suyunov Elyor, Bozorova Lolalar ham Madaniyat bo‘limining diplom, faxriy yorliqlari va homiy tashkilotlarning esdalik sovg‘alari bilan taqdirlandilar.
Tadbirda tuman ko‘zi ojizlar kutubxonasi tomonidan “Yurtim bayrog‘i – qalbim ardog‘i” nomli kitoblar ko‘rgazmasi tashkil etildi. Shuningdek madaniyat bo‘limining Ona Vatanni, tinchlikni va do‘stlikni tarannum etuvchi kuy-qo‘shiqlardan tuzilgan konsert dasturi namoyish etildi. Tadbirga 400 nafarga yaqin o‘quvchi yoshlar va tashkilot hodimlari jalb etildi.
Ilk marotaba o‘tkazilgan ushbu tadbir barchani birdek ramzlarimizga bo‘lgan hurmat va e’tibor, faxr kabi tuyg‘ularini yuksaltirishga chorladi.
Telegram: https://t.me/forishtv
Madaniyat vazirligi: http://madaniyat.uz/post/view/4261