Forish tuman xududiga qarashli Darboza va Amangeldi QFYdagi xarbiy xizmatchilar uchun O‘zbekiston Respublikasi Qurolli Kuchlari tashkil etilganiga 27 yil to‘lishi va 14-yanvar “Vatan himoyachilari kuni” munosabati bilan 2019-yil 14-yanvar kuni “Vatan muqaddas, uni himoya qilish sharafli burchdir!” shiori ostida bayram tantanasi o‘tkazildi. Bayram tadbirida tuman hokimi o‘rinbosari J.Jiyanov, chegara ishlari bo‘yicha tuman hokimi o‘rinbosari B.Karimov va voyaga yetmaganlar ishlari bo‘yicha tuman idoralararo komissiyasi mas’ul kotibi N.Mamasoliyevlar tabrik so‘ziga chiqib xarbiy xizmatchilarni bayram bilan tabrikladilar va xarbiy xizmati davomida na’munali xizmat qilayotgan zobitlarga tuman hokimligining faxriy yorliq va esdalik sovg‘alarini topshirdilar.
Bayram munosabati bilan madaniyat markazi hodimlari A.Qozoqov, S.Keldiyevlar tomonidan ona Vatanni, tinchlikni, do‘stlikni madh etuvchi kuy-qo‘shiqlar ijro etildi.