Forish tumani Madaniyat bo’limi tomonidan 2019-yil 5-fevral kuni buyuk mutaffakkir shoir, g’azal mulkining sultoni Mir Alisher Navoiy tavalludining 578-yilligi munosabati bilan tuman madaniyat markazi, madaniyat bo’limi kutubxonasi, ko’zi ojizlar kutubxonasi, 1-umumta’lim maktabi bilan hamkorlikda “Navoiy yodi -la yashaymiz mudom” nomli adabiy musiqiy kecha tashkil etildi.
Tadbirni 1-umumta’lim maktabining ona tili va adabiyot fani o’qituvchisi N.Mirkomilova ochib berib Navoiyning serqirra ijodi haqida batafsil ma’lumot berib o’tdi. Shundan so’ng maktab o’quvchilari tomonidan A.Navoiy hayoti va ijodiy faoliyati aks ettirilgan slaydlar orqali qiziqarli ma’lumotlar, “Navoiy va xasta odam ” nomli sahna ko’rinishlari, g’azallaridan namunalar ijro etildi.
Tadbir davomida Forish madaniyat markazida faoliyat olib borayotgan “Tog’ shalolasi” ashula va raqs xalq ansambli ishtirokchilari Yu.Temirov, O.Qosimov, A.Soibov, N.Botirova, J.Rustamovlar tomonidan Navoiy g’azallaridan yaratilgan “Qoshi yosin-mu deyin”, “Munojot”, “Shitob aylab” kabi ashulalar ijro etildi.
Maskur tadbirda faol ishtirok etgan o’quvchi va kitobxonlarga madaniyat bo’limi tomonidan faxriy yorliqlari topshirildi. Tadbirda 130 nafardan ortiq ishtirokchilar qatnashdi.