Viloyat madaniyat boshqarmasining 2019-yil 16-yanvardagi “Bahor taronalari” mavzusidagi eng yaxshi va yangi asarlar an’anaviy viloyat ko‘rik-tanloviga tayyorgarlik ko‘rish va uni yuqori saviyada o‘tkazish to‘g‘risidagi 10-sonli buyrug‘iga asosan joriy yilning 13-fevral kuni tanlovning tuman bosqichi tashkil etildi va tanlov Nizomida belgilangan janrlar bo‘yicha ishtirokchilar tomonidan taqdim etilgan asarlar hakamlar hay’ati tomonidan baholandi.
Hakamlar hay’atining qaroriga ko‘ra “Vatanni madh etuvchi eng yaxshi qo‘shiq” ijrochiligi bo‘yicha jamoa ijrosidagi Xorazm qo‘shiqlaridan “Istiqlol” qo‘shig‘i, Bahrullo Lutfullayev musiqasi bilan Sanjar Keldiyev ijrosidagi “Shodiyona” qo‘shig‘i, Abdulla Shonosir so‘zi, Asad Temirov musiqasi bilan Athamjon Qozoqov ijrosidagi “G‘ururim Vatan” qo‘shig‘i.
“Navro‘z xaqidagi eng yaxshi qo‘shiq” bo‘yicha jamoa ijrosidagi Abdulla Oripov so‘zi, xalq musiqasi bilan “Sen bahorni sog‘inmadingmu?” qo‘shig‘i va Gulchehra Usmonova so‘zi, Yusuf Temirov musiqasi bilan Suhrob Ibragimov ijrosidagi “Navro‘zi olam” qo‘shig‘i, “Eng yaxshi estrada ijrochiligi” bo‘yicha Bahrom Ismoilov, Mirkomil Ahmedovlar ijrosidagi Turob To‘la so‘zi, Mutavakkil Burhonov musiqasi bilan “Maftun bo‘ldim” qo‘shig‘i hamda Hamid Olimjon so‘zi, Botir Zokirov musiqasi bilan Jahongir Rustamov ijrosidagi “Hayolimda” qo‘shig‘i.
“Xududga xos eng yaxshi lapar ijrochiligi” bo‘yicha Xulkar Hasanova ijrosidagi “Yor kelar” lapari, “Eng yaxshi baxshi ijrochiligi” bo‘yicha Nishonboy baxshi O‘rozov ijrosidagi “Go‘ro‘g‘li” dostonidan parcha, “Eng yaxshi o‘lan ijrochiligi” bo‘yicha Anvar Keldiyev va Lobar Hakimovalar ijrosidagi “O‘lan-aytishuv”, “Eng yaxshi folklor ijrochiligi” bo‘yicha “Bog‘don gullari” folklor etnografik xalq ansamblining “Navro‘z” bayramiga bag‘ishlangan tuman xududiga xos qadimiy marosimlaridan “Dervishona” marosimi va “Xalq o‘yinlari” tomosha dasturlariga g‘oliblik berilib, tanlovning viloyat bosqichida ishtirok etish xuquqini qo‘lga kiritdilar.