Forish tumanida 8-mart xalqaro xotin-qizlar kuni munosabati bilan 7-mart kuni “Sultan” kafesida turli sohalarda faol mehnat qilayotgan ayollar ishtirokida “Ayollari kulsin O’zbekistonning!” nomli tantanali marosim tadbiri tashkil etildi.
Bayram tadbirini Forish tuman hokimi A.Mustanov tabrik so‘zi bilan ochib ayollarni 8-mart nafosat va go‘zallik bayrami bilan qizg‘in muborakbod etdi. Tadbir davomida O‘zbekistonda xizmat ko‘rsatgan xuquqshunos, mehnat faxriysi U.Ostonova, tuman prakurori Z.Anorboev, tuman davlat xavfsizlik bo‘linmasi boshlig‘i U.Dosimbetov, 15-umumta’lim maktabi direktori G.Soibova, iqtidorli shoira G.Bahriddinova, N.Xudoynazarovalar so‘zga chiqib barcha ayollarni bayram bilan tabrikladilar.
Bayram tadbirida Forish tuman madaniyat markazi honandalari A.Qozoqov, S.Ibragimov, Sh.Darxonov B.Usmonov, S.Keldiyev, B.Ismoilov, M.Axmedov, J.Rustamovlar ijrosidagi onalarni, ayollarni ulug‘lovchi, mehr-muhabbatni tarannum etuvchi qo‘shiqlar Sh.Safaraliyev tomonidan qiziqchilik chiqishlari barcha ishtirokchilarga bayram kayfiyatini ulashdi.
Tadbirda ishtirok etayotgan barcha ayollarga tuman hokimligining bayram sovg’alari topshirildi.