Jizzax viloyati Forish tumani Uchquloch madaniyat markazida O’zbekiston Respublikasi Prezidentining 2019-yil 19-martdgi belgilab bergan beshta muhim tashabbusi bo’yicha yoshlarni bo’sh vaqtlarini mazmunli o’tkazish, ularni madaniyat va san’at ayniqsa raqs san’atiga bo’lgan qiziqishlarini oshirish maqsadida 7-aprel kuni markaz qoshida Kamolova Sultonbeka rahbarligida tashkil etilgan “Quvonch” bolalar raqs jamoasining hisobot konserti bo’lib o’tdi.

Hisobot konsert tadbirida bolalar raqs jamoasi tomonidan to’garakning repertuaridan joy olgan o’zbek xalq kuylari, bolalar qo’shiqlari va  zamonaviy kuy qo’shiqlarga sahnalashtirilgan “Bahor valsi”, “Navro’z”, “Chitti gul”, “Andijon polkasi”, “Gullola”, “Tamanno”, “Qizg’aldog’im”, “Qatlama”, “Qiz bola”, “Barkamol avlod”, “Lazgi”, “Do’ppi tikdim” kabi raqslar ijro etildi.

Konsertda markaz qoshida tashkil etilgan “Bolalar estrada qo’shiqchiligi” va “Qonun cholg’u to’garagi” qatnashchilari tomonidan “Yor-yor”, “Kovushim” qo’shiqlari ijro etildi.

Tadbirda “Bog’don gullari” folklor etnografik xalq ansambli musiqa rahbari A.Keldiyev, Xonbandi MFY xotin qizlar bilan ishlash bo’yicha maslaxatchisi M.Artikova, 59-maktab manaviyat ishlari bo’yicha direktor o’rinbosari S.Axmedova, to’garak qatnashchilarining ota-onalaridan R.Jo’rayevalar so’zga chiqib tashkil etilgan to’garak va konsert tadbiri haqida o’z fikrlarini bildirib o’tdi.

Konsert tomoshasiga o’quvchilarning ota onalari va o’quvchi yoshlar jalb etildi.

PDF shaklda yuklab olish