Uchquloch madaniyat markazida O‘zbekiston Respublikasi Prezidenti Sh.M.Mirziyoyev tomonidan belgilab berilgan yoshlarning ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta muhim tashabbus ijrosini ta’minlash maqsadida xavaskor o‘quvchilardan «Parvoz» o‘smirlar raqs guruxi hamda “Boychechak” bolalar raqs jamoalari tashkil etildi va 2019-yil 25-aprel kuni Uchquloch madaniyat markazida jamoalar ishtirokida xisobot konserti tashkil etildi. Konsert tadbirida markaz rahbari N.Karimov, 59-umumta’lim maktabi direktori G.Karimovalar so‘zga chiqib barchani respublika miqiyosida e’tibor katta qaratilayotgan 5ta muhim tashabbuslar ijrosi bo‘yicha o‘tkaziladigan tadbirlarda faol ishtirok etishga, bugungi kunda yoshlar uchun yaratilayotgan imkoniyatlar to‘g‘risida gapirib o‘tdilar.
Xisobot konsertida “Parvoz” o‘smirlar jamoasi ishtirokchilari o‘zbek xalq milliy kuy va qo‘shiqlaridan “Tanovar”, “Mustahzod”, “Go‘svand”, “Olma pishganda galing” va zamonaviy retro kuy – qo‘shiqlarga saxnalashtirilgan raqslarni ijro etdilar.
Shuningdek Uchquloch madaniyat markazida faoliyat olib borayotgan “Parvoz” ashula va raqs xalq ansambli ishtirokchilari J.Rustamov va S.Ibragimovlar hamda “Qonun” cholg‘u to‘garagi va “Bolalar estrada qo‘shiqchiligi” to‘garagari ishtirokchilari, “Boychechak” bolalar jamoasi tomonidan ham kuy-qo‘shiqlar, raqslar tomoshabinlarga namoyish etildi. Konsert yakunida tadbir ishtirokchilariga madaniyat markazi va maktab ma’muriyati tomonidan faxriy yorliqlar topshirildi.
Xisobot konsertiga o‘quvchi-yoshlarning ota-onalari, maktab o‘qituvchilari va mahalla faollari taklif etildi.
Tadbir yakunidan so‘ng madaniyat markazida konsert dasturiga tashrif buyurgan yoshlar va ota-onalar bilan madaniyat markazi raxbari tomonidan “Yoshlarning xuquqiy tarbiyasi-strategik” masala yuzasidan davra suxbati ham o‘tkazildi.