2022-yil 5-mart kuni Forish tuman madaniyat markazida samarali faoliyat olib borayotgan “Tog’ shalolasi” ashula va raqs xalq ansamblining 1-chorak yakuni bo’yicha hisobot konserti bo’lib o’tdi. Hisobot konsertida ansambl repertuaridagi qo’shiq va raqslar ijro etildi.
2022 yil 2 mart kuni Forish tumani madaniyat bo’limining belgilangan tadbirlar rejasiga asosan 4-sektor xududidagi Xonbandi MFYda joylashgan 59-IDUMda Uchquloch madaniyat markazi tomonidan Zulfiyaxonim tavalludining 107 yilligi munosabati bilan “Zulfiya tong kuychisi” nomli tadbir bo’lib o’tdi. Tadbirda o’quvchilar tomonidan Zulfiyaxonim ijodidagi she’rlardan ijro etildi. Tadbirda “Parvoz” ashula va raqs xalq ansambli, «Parvoz» o’smirlar raqs jamoasi, «Tumor» bolalar raqs to’garagi ishtirokchilari ijrosida konsert dasturi namoyish etildi.
2022-yil 28-fevral kuni Forish tog’ poligonida bo’lib o’tayotgan seminar-trening ishtirokchilari va harbiylar uchun Forish tumani madaniyat bo’limi tomonidan konsert dasturi namoyish etildi.
2022-yil 26-fevral kuni Forish tumani Oʻxum MFYdagi 46-umumtaʼlim maktabida «Millatlararo totuvlik va diniy bagʻrikenglik taraqqiyot omili» mavzusida festival boʻlib oʻtdi. Festivalga Tojikistonning Oʻzbekistondagi elchisi Abdujabbor Rahmonzoda hamda respublikamiz va viloyatimizdagi milliy madaniyat markazlaridan mehmonlar tashrif buyurdi. Festivalga tashrif buyurgan mehmonlar «Bogʻdon gullari» folklor etnografik xalq ansambli ijrosidagi qoʻshiqlar bilan tantanali tarzda kutib olindi va ansambl ijrosida konsert dasturi namoyish etildi.
2022-yil 25-fevral kuni Forish tumani 3-sektor xududidagi Egizbuloq MFYda «Yoshlar festivali» boʻlib oʻtdi. Festivalda Jizzax viloyati ichki ishlar boshqarmasi boshligʻi general mayyor Gʻ.Qodirov va tuman tashkilotlaridan masʼul hodimlar ishtirok etdi. Festival doirasida Forish tuman madaniyat bo’limi tomonidan konsert dasturi va “Tasviriy san’at”, “Floristika” to’garaklarining ko’rgazmalari namoyish etildi.
2022-yil 24-fevral kuni Forish tumani Madaniyat bo‘limi tomonidan «Mahallalarda yoshlar bilan ishlash tizimini tubdan takomillashtirish»ga qaratilgan reja jadvaliga asosan 3-sektor xududidagi Oqtepa MFYda joylashgan 30-umumta’lim maktabida yoshlar, maxalla aholisi va maktab o‘quvchilari ishtirokida “San’atim saodatim” nomli madaniy-ma’rifiy tadbir tashkil etildi. Tadbirda madaniyat markazida faoliyat olib borayotgan ijodiy to’garaklar va badiiy jamoalar tomonidan konsert dasturi namoyish etildi.
2022-yil 22-fevral kuni Forish tumani madaniyat markazida anʼanaviy tarzda oʻtkazib kelinayotgan «Bahor taronalari» mavzusidagi eng yaxshi va yangi asarlar koʻrik-tanlovining viloyat bosqichi bo’lib o’tdi. Tanlovda tuman badiiy jamoasi hakamlar hay’ati e’tiboriga Nizomga muvofiq «Vatanni madh etuvchi eng yaxshi qoʻshiq», «Navroʻz haqidagi eng yaxshi qoʻshiq», «Eng yaxshi estrada ijrochiligi», «Hududga xos eng yaxshi lapar ijrochiligi», «Eng yaxshi oʻlan ijrochiligi», “Eng yaxshi raqs jamoasi”, “Eng yaxshi maqom ijrochiligi”, «Eng yaxshi baxshi ijrochiligi» va «Eng yaxshi folklor jamoasi» ijrochiligi boʻyicha oʻz konsert dasturlarini namoyish etdilar.
2022-yil 21-fevral kuni Forish tumani madaniyat bo’limi tomonidan «Mahallalarda yoshlar bilan ishlash tizimini tubdan takomillashtirish»ga qaratilgan tadbirlar rejasiga asosan 4-sektor hududidagi Xonbandi MFYdagi 59-IDUMda Forish tumani Uchquloch madaniyat markazi kutubxonasi tomonidan «Kitob mening do’stimsan» mavzusida kitobxonlik tadbiri va «To’quvchilik» to’garagining ijodiy ko’rgazmasi tashkil etildi.
